TEKS CERAMAH PERINGATAN MAULID NABI MUAHMMAD SAW.
Tema:" Rindu Rasul, Taat Syariat: Menjadikan Maulid sebagai Awal Perubahan."
Assalamu’alaikum Warahmatullahi Wabarakatuh.
"Kapasir salam
"Kategal Lega
"Anu ngawaler salam
"Didoakeun sing lebet ka surga..😄😄
Alhamdulillahi rabbil 'alamin, wa bihi nasta'inu 'ala umuriddunya waddin. Washshalatu wasalamu 'ala asyrafil anbiya'i wal mursalin, Sayyidina wa Maulana Muhammadin, wa 'ala alihi wa shahbihi ajma'in. Amma ba'du.
Anu ku simkuring dipahormat para alim ulama, tokoh masyarakat, para bapak anu saroleh, para ibu anu sarolehah anu rupana aranggrek kawas bidadari nanging bidadari anu tos rada senior, nya! 😄 Teu khilaf ka para pamuda-pamudi, generasi scrolling TikTok tapi tetep resep ka pangaosan, muga-muga sadayana dirahmat ku Allah SWT.
Sateuacan diteruskeun, urang cek heula kaayaan. Ieu bapak-bapak tos siap nampi elmu atanapi siap nampi konsumsi? Ibu-ibu tos siap nyimak atanapi siap ngagibahkeun anu teu hadir? 😂 Supados sumanget, urang ngawitan ku pantun heula:
"Ka toko buku meuli calana,
"Mogok di jalan suryakancana.
"Sok sanaos jaman tos siga ayeuna,
"Ka Nabi Muhammad urang tetep rindu salawasna.
1. HATI ANU RINDU KANU SALAH: REALITA JAMAN AYEUNA
Hadirin wal hadiromut rohimakumullah,
Tema urang dina wengi/dinten ieu nyaéta: "Rindu Rasul, Taat Syariat: Menjadikan Maulid sebagai Awal Perubahan."
Urang ngobrol santai waé. Jaman ayeuna, kalimah "rindu" atanapi "kangen" teh tos biasa pisan.
- Barudak pamuda rindu ka saha? Ka mantan anu tos nikah sareng batur!
- Ibu-ibu rindu ka saha? Ka tukang kiridit anu teu mampir-mampir atanapi rindu hoyong meser emas anyar
- Bapak-bapak rindu ka saha? Rindu hayang ngopi tenang tanpa diganggu ku patanyaan boga duit sabaraha! 😄
Tapi pertanyaanna: Sabaraha kali dina sapoe urang bener-bener rindu ka Rasulullah SAW?
Loba jalma ngaku rindu ka Nabi. Dina acara Maulid, urang maca Sholawat Barzanji, Diba'i, Simtuddurar. Sora urang tarik: "Ya Nabi Salam 'Alaika..." Tapi geus beres Maulid? HP dibaca deui, gibah diteruskeun deui, sholat subuh tetep kabeurangan jam 6 subuh! Ieu nu namina Rindu dina Biwir, Tapi Poho dina Pikir.
Maulid téh sanés mung saukur seremonial taunan, sanés ngan saukur ngadahar tumpeng atanapi berkat—najan berkatna mah tetep wajib dicandak ku bapak-bapak, nya! Tapi Maulid nyaéta momentum ngarobah arah hirup urang.
2. HAKIKAT CINTA SARENG TAAT SYARIAT
Pikeun ngabuktikeun yén rindu urang téh lain rindu palsu, Allah SWT tos ngajelaskeun saratna dina Al-Qur'an Surat Ali 'Imran ayat 31:
قُلْ اِنْ كُنْتُمْ تُحِبُّوْنَ اللّٰهَ فَاتَّبِعُوْنِيْ يُحْبِبْكُمُ اللّٰهُ وَيَغْفِرْ لَكُمْ ذُنُوْبَكُمْۗ وَاللّٰهُ غَفُوْرٌ رَّحِيْمٌ
Hartosna: "Ucapkeun (wahai Muhammad): Lamun maranéh bener-bener cinta ka Allah, maka tuturkeun kuring (Rasulullah), niscaya Allah bakal mencintai maranéh sarta ngahampura dosa-dosa maranéh."
Janten, bukti rindu sareng cinta ka Rasulullah teh nyaeta "Taat Syariat" (Ittiba').
Jaman ayeuna, seueur pamuda apal profil pamingpin K-Pop, apal pamingpin bal-balan kawas Ronaldo atanapi Messi ti A nepi ka Z. Tapi lamun ditanya: "Saha nami putra-putri Rasulullah?" Malah bingung, "Aduh Ustadz, teu aya dina FYP TikTok!"
Rasulullah SAW ngadawuh dina Hadits riwayat Imam Bukhari sareng Imam Muslim:
لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَالِدِهِ وَوَلَدِهِ وَالنَّاسِ أَجْمَعِينَ
"Henteu sampurna iman salah sahiji di antara maranéh, sahingga kuring leuwih dicintai tibatan kolotna, anakna, jeung sakabéh manusa." ( H.R. Imam Bukhari, Imam Muslim)
Kumaha carana taat syariat di jaman ayeuna?
- Pikeun Ibu-ibu: Taat syariat téh dimimitian ti bumi. Jaga lisan ti ghibah, turutan akhlak Ummul Mukminin Khadijah sareng Aisyah ra. Pami caroge mulang damel, disambut ku imut anu manis, sanés ku biwir anu mayun 5 cm bari nanya "Mana jatah dapur?"
- Pikeun Bapak-bapak: Meneladani Nabi salaku pamingpin anu lembut tapi tegas. Maparin nafkah anu halal. Ulah galak di bumi tapi lemes ka randha di medsos
- Pikeun Barudak Pamuda: Jadikeun Nabi salaku Ultimate Role Model. Ngalaksanakeun sholat berjamaah di masjid. HP dipake pikeun nyebarkeun kebaikan, sanés pikeun maksiat atanapi judol (judi online) anu ngarusak masa depan!
Sakumaha dawuh Ibnu Atha'illah as-Sakandari dina kitab Al-Hikam:
إِذَا أَرَدْتَ أَنْ تَعْرِفَ قَدْرَكَ عِنْدَ اللهِ فَانْظُرْ فِيمَ أَقَامَكَ
Hartina:
"Nalika anjeun hoyong terang darajat anjeun di sisi Allah, tingali di mana Allah menempatkeun anjeun ayeuna." Lamun urang disebatkeun sibuk dina kataan, eta tandana Allah cinta ka urang".
3. KISAH ANU NYENTUH HATÉ: CINTA RASULULLAH KA UMATNA
Hadirin anu dimulyakeun ku Allah,
Pikeun ngagugah rasa rindu dina dada urang, hayu urang renungkeun hiji kisah dina detik-detik akhir hayat Rasulullah SAW.
Nalika Malaikat Izrail tos lungsur, nyuhunkeun widi pikeun pencabut nyawa Makhluk Paling Mulia. Rasulullah nahan rasa nyeri anu luar biasa nalika sakaratul maut. Keringat tiis ngalir dina taunana anu mulia. Rasulullah ngadawuh: "Ooh, sakaratul maut téh kacida nyerina..."
Nanging, naha anjeun terang naon anu ditaroskeun ku Rasulullah nalika harita? Nabi HENTEU naroskeun ngeunaan harta, HENTEU naroskeun ngeunaan karajaan. Nabi naroskeun ka Malaikat Jibril:
"Ya Jibril, kumaha nasib umat kuring saatos kuring kantunkeun? Saha nu bakal ngajaga umat kuring ti seuneu neraka?"
Malaikat Jibril ngawaler yén Surga diharamkeun pikeun umat-umat sanés sateuacan umat Muhammad lebet ka jerona. Kakara Rasulullah tenang. Jeung dina biwirna anu mulia, kalimah terakhir anu kaluar nyaéta:
"As-Sholah... As-Sholah... wa maa malakat aimanukum... Ummatii... Ummatii... Ummatii..." (Pelihara sholat... pelihara sholat... jeung jaga hamba sahaya maranéh... Umat kuring... Umat kuring... Umat kuring...)
Astaghfirullahal 'adzim...
Rasulullah mikiran urang anu duraka ieu dina detik-detik nafas terakhirna! Mungkeun urang anu ayeuna sering ninggalkeun sholat, sering maksiat, sering poho sholawat, anu diémut ku Rasulullah nalika pupusna!
Naha urang teu isin? Urang ngaku umatna, tapi paréntahna dipopohokeun. Ieu waktosna urang ngarobah diri!
4. EMPAT LANGKAH APKLIKATIF: MAULID AWAL PERUBAHAN
Supados Maulid ieu sanés mung saukur acara rutin, hayu urang mimitian Opat Langkah Perubahan ti ayeuna:
1. Perbaikan Sholat (Langkah Lahiriah): Mimitian ti dinten ieu, ulah deui-deui nunda sholat. Bapak-bapak jeung pamuda, makmurkeun masjid. Ibu-ibu, jaga sholat di awal waktu.
2. Perbaikan Lisan jeung Akhlak (Langkah Sosial): Tiru akhlak Nabi. Lembut dina nyarios, gampang ngahampura, jeung eureun nyebarkeun hoax atawa ghibah di grup WhatsApp kulawarga.
3. Ngahidupkeun Sholawat Harian (Langkah Batiniyah): Targetkeun minimally 100 kali sholawat dina sapoe. Bari nyetir, bari masak, bari nungguan jemputan, basahan biwir ku sholawat.
4. Ngarawat Kulawarga ku Cara Sunnah: "Jadikeun bumi urang kawas rumah tangga Nabi: Baiti Jannati (Bumi kuring, Surga kuring).
Sateuacan urang doa, ieu aya pantun panutup kanggo panyemangat:
"Cikaracak ninggang batu,
"Laun-laun jadi bolong.
"Sarat rindu ka Nabi teh kudu taat ku waktu,
"Ulah ngan saukur pinter ngomong.
5. DOA MUNAJAT ANU NYENTUH HATÉ
Hadirin, hayu urang tundukkeun mastaka, tungkulkeun hate, urang nyuhunkeun ka Allah SWT ku galura rasa tina jero dada.
Audzubillahi minasy-syaitanir-rajim. Bismillahir-rahmanir-rahim
Alhamdulillahi Rabbil 'Alamin. Allahumma shalli wa sallim 'ala Sayyidina Muhammadin wa 'ala ali Sayyidina Muhammad.
Ya Allah, Ya Rabbal 'Alamin,
Dina dinten/wengi anu pinuh ku barokah ieu, dina raraga memperingati wiyosan Nabi Agung Muhammad SAW, kumpulkeun hate anjeun sadaya dina naungan rahmat Anjeun.
Ya Allah, Gusti Nu Maha Pengampun,
Kuring sadaya ngaku seueur dosa. Dosa lisan anu sering nganyatakeun hate batur, dosa panon anu sering ningali maksiat, dosa hate anu pinuh ku iri sareng dengki. Dinten ieu kuring sadaya sujud nyuhunkeun pangampun ti Anjeun.
Ya Rasulullah...
Kuring sadaya Isin ka anjeun. Anjeun nangis ngadoakeun kuring sadaya, nanging kuring sering poho ka anjeun. Kuring sering ninggalkeun sunnah anjeun, kuring sering ngalangkungan paréntah Anjeun.
Ya Allah,
Tancepkeun rasa rindu anu sejati ka Rasulullah dina dada kuring sadaya. Bimbing kuring, bapak-bapak, ibu-ibu, sarta para pamuda di dieu supados tiasa taat kana syariat Anjeun. Jadikeun peringatan Maulid ieu awal tina naékna darajat ketaatan kuring sadaya.
Ampuni dosa kadua kolot kuring sadaya. Anjeung anu tos pupus, tempatkeun dina surga Anjeun. Anjeun anu masih aya, paparin kasehatan sareng hidayah. Jadikeun anak-cucu kuring sadaya generasi anu sholeh-sholehah, anu cinta ka Qur'an sareng cinta ka Rasulullah.
Ya Allah,
Dina dinten kiamat engké, nalika sadaya manusa kabingungan, ulah tebihkeun kuring ti Rasulullah. Paparin kasempatan ka kuring sadaya kanggo nampi syafa'atna, sareng nginum tina telaga Al-Kautsar ti panangan anjeun anu mulia.
Rabbana atina fiddunya hasanah, wa fil akhirati hasanah, wa qina 'adzabannar.
Subhana rabbika rabbil 'izzati 'amma yashifun, wa salamun 'alal mursalin, walhamdulillahi rabbil 'alamin.
Wassalamu’alaikum Warahmatullahi Wabarakatuh.
REFFERENSI KITAB SARENG SUMBER DAKWAH
- Al-Qur'an al-Karim (QS. Ali 'Imran: 31, QS. Al-Ahzab: 21).
- Shahih al-Bukhari (Kitab al-Iman, Hadits ngeunaan kecintaan ka Nabi SAW).
- Kitab Ash-Syama'il al-Muhammadiyyah karya Imam At-Tirmidzi (Mengulas sifat, karakter, sareng pola hidup Rasulullah SAW).
- Kitab Al-Hikam karya Syekh Ibnu Atha'illah as-Sakandari (Mengenai hakikat ketaatan sareng tanda ma'rifat).
- Kitab Ihya 'Ulumuddin karya Hujjatul Islam Imam Al-Ghazali (Bab Aja'ibul Qalb sareng Cinta ka Rasulullah).
Tags:
Tausiah